Санаи 4 декабри соли ҷорӣ, бахшида ба Рӯзи байналмилалии бонкҳо, Ориёнбонк барои хонандагони мактаби Modern International School экскурсияи ҷолиб ташкил кард.

Дар ҷараёни экскурсия, мактаббачагон бо вазифаҳои асосии бонк шинос шуда, аз равандҳои кории хазиначиён, мутахассисони қарзӣ ва дигар кормандон, бохабар шуданд. Равандҳои хизматрасонии мизоҷон ва саҳми бонк дар рушди иқтисодиёт таваҷҷуҳи зиёди мактаббачагонро ба худ ҷалб кард.

Илова бар ин, барои мактаббачагон дарси омӯзишӣ дар мавзӯи саводнокии молиявӣ гузаронида шуд. Онҳо бо фаъолияти бонк дар самти амонатҳо ва қарзҳо, муҳимияти банақшагирии молиявӣ ва усулҳои истифодабарии бехатари кортҳои бонкӣ, ошно гардиданд.

Ин рӯз на танҳо донишҳои мактаббачагонро васеъ намуд, балки илҳомбахш ҳам буд: наврасон бо ҷаҳони молия наздиктар шинос шуданд. Шояд яке аз онҳо дар оянда соҳаи бонкиро ҳамчун фаъолияти доимӣ, интихоб менамояд!