Дар бинои Сарбонки ҶСК "Ориёнбонк" маҷлиси ҷамъбасти нимсола баргузор шуд, ки дар он нишондиҳандаҳои асосии молиявӣ дар нимсолаи аввали соли 2024 муҳокима карда шуданд. Роҳбарияти бонк ва кормандон барои муҳокимаи дастовардҳо ва инчунин муайян намудани стратегияи минбаъдаи Бонк ҷамъ омаданд.

Натиҷаҳои молиявӣ дар нимсолаи 1-уми соли 2024:

• Дороиҳо: 4,9 млрд. сомонӣ
• Ӯҳдадориҳо: 3,5 млрд. сомонӣ
• Сармоя: 1,4 млрд. сомонӣ
• Сандуқи қарзӣ: 3,6 млрд. сомонӣ
• Сандуқи амонатӣ: 1,7 млрд. Сомонӣ
• Фоидаи соф: 219,0 млн. сомонӣ

Фоида ва масъулияти иҷтимоӣ

Даромади умумӣ дар нимсолаи якум 576,7 миллион сомониро ташкил дод. Хароҷотҳо бошанд дар ҳамин давра 357,6 миллион сомониро ташкил намуданд. Фоидаи софи бонк дар давраи ҳисоботӣ 219,0 миллион сомониро ташкил дод.

ҶСК "Ориёнбонк" ба табақаҳои ниёзманди аҳолии кишвар танҳо дар нимсолаи якуми соли 2024 дар ҳаҷми 638,3 ҳазор сомонӣ кумакҳои молиявӣ расонида аст.

Нақшаҳои минбаъда

Дар нимсолаи дуюми соли 2024 ташаббусҳо, маҳсулотҳои бонкӣ ва чорабиниҳои нав дар пешанд.

Кормандони Бонк, ки дар расидан ба ҳадафҳои стратегӣ ва дар маҷмӯъ рушди Бонк саҳми калон гузоштанд, бо ҷоизаи фахрии “Корманди Беҳтарин” сарфароз гардонида шуданд.

ҶСК "Ориёнбонк" ба рушди минбаъда ва мустаҳкам кардани мавқеи худ дар бозор кӯшиш мекунад.

Ба ҳамаи кормандон ва мизоҷони Бонк барои дастгирӣ ва эътимодият изҳори сипос менамоем!