Муштариёни гиромӣ, вақтҳои охир дар сомонаҳои гуногун ва шабакаҳои иҷтимоӣ маълумотҳои бардуруғу иғвоангез оид ба сиёсатмандон, тоҷирон, шахсони барҷастаи Тоҷикистон ҷойгир карда мешаванд. Инчунин оид ба Ориёнбонк, фаъолият ва роҳбарияти он мақолаҳои бардуруғ ва ба обрую нуфузи Бонк таъсиррасон ҷойгир карда мешаванд.

Ин гуна мақолаҳою маълумотҳо танҳо бо мақсади туҳмат ва паст кардани обрую нуфуз пахш карда мешаванд. Чунин маълумотҳо асосан аз ҷониби қаллобон ва ширкатҳои гуногун, ки мақсади онҳо пахш намудани маълумотҳои бардуруғ аст, пахш карда мешаванд.

Бинобар ин ба шумо тавсия медиҳем, ки ба маълумотҳое, ки дар сарчашмаҳои кушода, ба монанди Википедиа, сомонаҳои шубҳанок ва саҳифаҳои ғайрирасмӣ дар шабакаҳои иҷтимоӣ ҷойгир карда шудаанд, бовар накунед. Агар ба шумо маълумоти дуруст ва дақиқ лозим бошад, ба сомонаҳои расмӣ, саҳифаҳои ширкатҳо дар шабакаҳои иҷтимоӣ, ки ҳамчун расмӣ ба қайд гирифта шудаанд, муроҷиат намоед. Аксарияти ширкатҳо рақамҳои телефонӣ ва суроғаҳои электронии расмӣ доранд, ки тавассути онҳо низ муроҷиат карда мешавад.

Бори дигар ба диққататон мерасонем, ки ба маълумотҳои гуногун бовар накунед ва аз амалҳои қаллобон ва ширкатҳои шубҳанок худро муҳофизат кунед.